火車頭食人~
October 25th, 2009
話說我家住了一架盲眼火車頭Derek, 一隻眼切除了, 另一隻眼的瞳孔中央有個疤, 所以看東西曚查查。這架火車頭恃住自己有特強咕咕咕本領, 迷得我一陣陣, 晚晚推開仔仔, 攬住火車頭訓。
人家的小貓表示愛主人, 都會以按摩回報, 我家的火車頭為表愛我這個姐姐, 卻有另類方法….就是要把我吃掉。
這個火車頭, 或許因為眼曚, 所以常常把我的手指當冰條, 每晚總要啜過才安樂。就算我把手收藏於被窩中, 他也會爬進被窩裏, 翻箱倒篋般找來我的手指, 啜個不停。有時候啜得太累, 他便乾脆把手指含住, 總之不會歸還給我。天一亮, 他又會找來手指再啜一會, 才肯起床吃早餐。他愛我的手指的程度, 已經幾近瘋狂, 看來我的手指也快將超越魚魚的地位。
講給朋友知, 總沒人信, 唯有把片段捕捉下來, 去片~~~~~
test Filed under 暫託手記, 貓貓 | Comments (6)
6 Responses to “火車頭食人~”
Leave a Reply
@@~ 域域佢真係咬落去定係’點到即止’嗰隻?! 見佢起勢係咁咬, 但係又’趙極都趙唔爛’…哈哈哈~ amazing!!
佢無用力咬的, 其實是啜住我隻手指多~ 否則佢咁咬法, 應該斷晒d手指九年~ haha
域域真係好可愛,其實佢都係當你阿媽咁,想食奶奶,之前我有隻貓要瞓係我條頸,會啜我面或耳仔,真係攪到我好癢,要用被蓋住塊面避開.
她真的很痴我,可惜係上年離開咗!
其實我訓覺時好慘的, 域域又要啜手指, 阿仔又要 lam 我塊面 同隻眼, 成日都無覺好訓~
ps. 痴人, 嗲人的貓常常都很短命, 真可惜~!
其實你都唔算慘，我都係成晚俾貓壓住來瞓，好彩而家未凍都係二三隻一齊瞓，如果再凍d，我唸十幾隻一齊來，到時連我都無位瞓！
我有個朋友養咗28隻貓，專訂了一張大床同貓貓一齊瞓，成日都唔可以郁！
我以前都係, 但後來頂唔順, 只限同其中兩三隻訓